RACINE INFO : Ayiti | Jistis : Marcelyn Myrtil alyas Nèg Arab jwenn liberasyon li kòm militan politik
Marcelyn Myrtil alyas Nèg Arab la jwenn liberasyon li jounen jodi madi 13 Dawou 2024 la, aprè li te fin pase yon mwa anplis nan prizon penitansye nasyonal ki chita kò l nan Pòtoprens.
Yo konnen Nèg Arab la kòm militan politik epi li te konsidere pami sila ki te nan opozisyon ak ansyen gouvènman Ariel Henry an. Lapolis te arete l nan dat 7 jiyè ki sot pase a, aprè li te sove pami gwoup prizonye bandi te fè sove nan Penitansye Nasyonal la nan dat 3 mas 2024.
Lapolis te kenbe li epi yo te mete l nan prizon ankò nan Pòtoprens kòm moun yo t ap chèche pami lòt prizonye ki te sove yo. Jodi madi 13 dawout la, aprè lajistis te fin tande li, Marcelyn Myrtil te lage nan prezans avoka li. Sa ki te pral lakoz anpil aplodisman ak kè kontan nan mitan fanmi li ak pwòch li yo epi li te retounen lakay li.
N ap raple Myrtil alyas Arab te arete pou premye fwa nan Okay 12 fevriye 2024, sou lòd ansyen komisè Ronald Richemond, anvan yo te transfere li Pòtoprens sou lanmè. Depi lè sa a, li te konsidere kòm yon figi santral nan mouvman pwotestasyon kont gouvènman an plas la.
RACINE INFO
